„Als du futtgöngs, as du futtgöngs,
Satt Luft in’t Härt.
Nu du wiërkümms, nu du wiërkümms,
Häst Jammer un Pin dien Gewieten terriërten!“

Wu weh em dat in’t Härte klang,
Wat em de Swalf tau Hemkehr sang!
So bleek, so snao, so afgerieten,
Dat Tüg an’n Lif tau Pluëdden verflieten,
As wenn’t von de Landstrat en Stromer wör,
So staiht da vör de Nieeendör
Op sin oll Vaders Hof de Suhn,
De in de Früemde nicks nich sunn,
As dat de Lidenschop döt laigen,
De Lif un Seel us will bedraigen.

De Hof ligg da in Sunndagsruh,
In’t Dorp na de Vesper wörn se nu;
Büs op den Schulten, de sall der still
Alleen un las in de Handpostill. –
Dat wuß, de vör de Dör nu stonn
Un doch nich öwer de Süele konn.

De Hof ligg da in Sunnenschin,
Meet nicks von Jammer, Naut of Pin;

En Beld von Dur un Däftigkeit,
Von stille Burenkräftigkeit.
Lut obschrain mögg de Schultensuhn,
De nu as Lump vör de Diäldor stonn.

De Schult las von’n verlornen Suhn,
De sik wier trügg na Huse sunn.
De Vaderstimme sagg em vör:
Jans staiht da vör de Niggendör!
Wor week sin Hört, bleef hatt sin Kopp:
Verlornen Suhn niem’k nümmer op! – –

Män, mott doch saihn, wu süht he ut –
Da hör, dat was en Fraidenlut!
De olle Rüe, de stillkens flaip,
As Jans em sacht bi Namen raip,
Met Bliëken em an’n Lif was sprungen,
As wann’t sin Een un Alles wör.
Nu knaide vör de Nieendör
Un holl den Rüën fast umslungen
Mit beide Arms de Schultensuhn
In sine bangste Läbensstunn.

Da trät, no ümmer stramm un stur,
Op sine Süëll de olle Bur.
Sneewitt de Bart, sneewitt das Har,
De blaen Augen sunnenklar.
Den in de Knai, sin Suhn, kam’t vör,
Als wann da stönn en Priesterhär.

Gott weet, hier in Härten
Schrait de Rü,
Du möggs in min’ Smärten
Veriëwen mi!
Un hät dein Laif verloren,
De di as Suhn is geboren,
Nich in Vertwiflung woß driwen,
Lat, Vader, mit bi di bliwen:
Dainen wick di, wann di’t recht,
Dainen as Knecht! – –

De Vader ohne Wörde verstaiht,
Wat sinen Suhn dör die Seele gaiht.
Un doch will de Erlösungslut
Ut sinen Mund en nicht herut,
De stur und stupp versloten bliff – –
Büs das de Rüe em krüpp tau Fäuten,
As kännt he Suhn un Vaders Näuten,
Un streckt de Paut: Vergiff! Vergiff! – –
„Min Suhn!“ Min Vader! „Dat Gott erbarm!“
Da ligt sik Vader un Suhn in’n Arm.

Un bal das Leedken anners klung,
Dat’t trüe, laiwe Swälsken sung:
„Als du futtgöngs, as du futtgöngs,
Trock Trur in’t Hus.
Nu du wiër wiërbüs, nu du wiërbüs,
Sind Fraid un Fräden wiër trügge, wiër trügge!“

De sine Seelenpin verstönn,
Un den he alles bichten könn.

Doch kam kin Wort em op de Tung,
So hadder auk in Härten klung
De Jammer un de bittre Pin,
Dat he’n verlornen Suhn moß sin.
Män ut sin Aug dat daipe Leed
Ohn Wörde lut tau klagen weet:

Gott weet, ik häf rungen
Dag un Nacht,
Un doch nicht betwungen
De wilde Smacht.
Von Wiwer Arm ümfangen,
Un Wiwer Mund häf’k hangen
In Flammenglaut sin’k versunken,
Von raude Lippen häf’k drunken
Hiëmelsluft un Höllenaut,
Läben und Daut!

Un häf ik auk liëten
Büs opt Blaut,
Mi segg min Gewiëten
In Angst und Naut:
Nich würdig sin’k, tau heiten –
In alle Ewigkeiten –
Ik mott’t met Tränen bekennen,
Nich würdig, din Suhn mi tau nennen.
Vaders Namen sin’k nicht wärt,
Häf em entährt!